Xaridor buyurtmani ikki yo'l bilan oladi: yetkazib berish (kuryer yoki tashqi xizmat) yoki filialdan olib ketish. Ikkalasi shu yerda sozlanadi. Bo'limlar «Sozlamalar, yetkazish, filiallar» ruxsati bor xodimlarga ochiq.
Yetkazish usulini qo'shish
- «Yetkazib berish usullari» → «Usul qo'shish».
- «Nomi» — xaridor checkoutda shuni ko'radi (masalan, «Kuryer orqali»).
- «Turi» — narx qanday olinishi:
| Turi | Xaridor nima to'laydi |
|---|---|
| Bepul | Yetkazish 0 so'm, narx yozilgan bo'lsa ham |
| Belgilangan narx | «Narxi (so'm)» buyurtmaga qo'shiladi |
| Tashqi xizmat (Yandex, BTS...) | Narx buyurtmadan keyin kuryer bilan kelishiladi; checkoutda «Kelishiladi», yetkazish 0 so'm |
| Boshqa logistika | Xuddi shunday: narx keyin kelishiladi |
- «Minimal buyurtma (so'm)» — mahsulotlar summasi bundan kam bo'lsa, bu usul bilan buyurtma o'tmaydi: xaridor «Tanlangan yetkazib berish usuli hozir mavjud emas» xabarini ko'radi. 0 — cheklovsiz.
- «Yetkazish muddati» va «Birligi» (daqiqa, soat, kun) — checkoutda, masalan, «2 soat ichida» bo'lib chiqadi.
- **«Checkoutda ko'rsatish»**ni yoqing va **«Saqlash»**ni bosing.
Ro'yxatda har usulning turi, narxi, minimal buyurtmasi, muddati va holati ko'rinadi. Usulga bog'langan ochiq buyurtmalar bo'lsa, nomi ostida «N ta jarayondagi buyurtma» yoziladi.
Bepul yetkazish va minimal summa
Butun do'kon uchun ikki qoida — «Sozlamalar → Checkout»:
- «Bepul yetkazish (shu summadan)» — savatdagi mahsulotlar summasi shunga yetsa, istalgan usulda yetkazish bepul bo'ladi.
- «Minimal buyurtma summasi» — bundan kam buyurtma umuman qabul qilinmaydi, olib ketishda ham. Xaridor «Eng kam buyurtma summasi: ...» xabarini ko'radi.
Maydon 0 bo'lsa, chegara yo'q.
Filiallar: olib ketish
- «Filiallar» → «Filial qo'shish».
- «Nomi» (masalan, «Chilonzor filiali») va «Manzil (shahar, ko'cha, mo'ljal)».
- «Telefon» va «Ish vaqti» (odatda 09:00–21:00 turadi — o'zingiznikini yozing).
- «Kenglik» va «Uzunlik» — filialning xaritadagi koordinatalari, ixtiyoriy.
- «Rasm» — ixtiyoriy, bitta.
- **«Olib ketish uchun ochiq»**ni yoqing va **«Saqlash»**ni bosing.
Ro'yxatda nofaol filial yonida «(nofaol)» turadi, filialdan olinishi kutilayotgan buyurtmalar — «N ta olib ketish kutilmoqda». Bunday filialni ham o'chirib bo'lmaydi — nofaol qiling.
Xaridor checkoutda nimani ko'radi
- «Yetkazib berish turi»: «Yetkazib berish» — kamida bitta faol usul bo'lsa; «Olib ketish» — kamida bitta ochiq filial bo'lsa. Usul bo'lmasa, xaridor faqat olib keta oladi.
- Yetkazishda — usullar ro'yxati: nomi, narxi («Bepul» yoki «Kelishiladi») va muddati; so'ng manzil va mo'ljal maydonlari.
- Olib ketishda — filiallar: nomi, manzili va ish vaqti. Olib ketish bepul.
- «Buyurtmangiz» blokida yetkazish alohida qator; bepul bo'lsa — «Bepul».
To'lov usullari — To'lov tizimlari, buyurtmani yetkazishga berish — Buyurtmalar.