Mahsulotlar ko'p bo'lsa (o'nlab yoki yuzlab), ularni bittalab kiritish o'rniga Excel (.xlsx) yoki CSV fayldan bir yo'la qo'shing. Shu yo'l bilan mavjud mahsulotlarning narxi va qoldig'ini ham ommaviy yangilash mumkin.
1. Namuna faylni yuklab oling
«Onlayn do'kon → Import» → «Yangi import» → «Import namunasini yuklab oling: XLSX». Faylda kerakli ustunlar va bitta namuna qator bor — namuna qatorni o'chirib, o'z mahsulotlaringizni yozing.
2. Faylni to'ldiring
| Ustun | Nima yoziladi |
|---|---|
| SKU | Mahsulot kodi. Keyingi importda mahsulot shu kod bo'yicha topilib yangilanadi |
| Nomi (uz) | Yangi mahsulot uchun majburiy |
| Nomi (ru) | Ruscha nomi (ixtiyoriy) |
| Narxi | Yangi mahsulot uchun majburiy, so'mda: 45000 yoki 45 000 so'm |
| Eski narxi | Chegirmadan oldingi narx — joriy narxdan katta bo'lishi kerak |
| Tannarxi | Kirim narxi, faqat sizga ko'rinadi |
| Qoldiq | Butun son |
| Kategoriya | Kiyim yoki Kiyim / Ko'ylaklar; yo'q bo'lsa avtomatik yaratiladi |
| Brend, Shtrix-kod | Ixtiyoriy |
| Tavsif (uz), Tavsif (ru) | Ixtiyoriy |
| Rasmlar | Rasm fayllarining nomlari yoki havolalari, vergul bilan |
| Faol | ha yoki yo'q |
| Narx turi | aniq yoki so'rov bo'yicha |
Ustun nomlari o'zbekcha, ruscha yoki inglizcha bo'lishi mumkin, tartibi muhim emas. Fayl 5 MB gacha va 5000 qatorgacha.
3. Rasmlar
Rasmni uch xil usulda berish mumkin:
- Fayl nomi bilan. «Rasmlar» ustuniga
koylak-old.jpg, koylak-orqa.jpgdeb yozing va import sahifasida «Rasmlar yoki ZIP» yoki «Papka» tugmasi orqali shu fayllarni tanlang. - SKU bo'yicha. Rasmni mahsulot SKU'si bilan nomlang —
TEL-001.jpg,TEL-001-2.jpg— va ustunni bo'sh qoldiring. Tizim o'zi topib, raqam tartibida qo'yadi. - Havola bilan. Ustunga
https://...havolani yozing. Rasm import tugagach fonda yuklab olinadi; jarayon import tarixida «Rasmlar: 45/50» ko'rinishida chiqadi.
Katta rasmlar yuklashdan oldin avtomatik kichraytiriladi (2000 px gacha), shuning uchun yuzlab rasm ham tez yuklanadi. Qabul qilinadi: JPG, PNG, WebP, GIF; har biri 5 MB gacha.
4. Tekshiring, keyin import qiling
«Tekshirish» bazaga hech narsa yozmaydi — faqat nima bo'lishini ko'rsatadi: nechta mahsulot yangi, nechtasi yangilanadi, har qatorga nechta rasm tushadi va qaysi qatorda nima xato. Xatoli qatorlar o'tkazib yuboriladi, qolganlari import qilinadi. Natija ma'qul bo'lsa — «Import qilish».
Yangilash qanday ishlaydi
- SKU do'konda bor bo'lsa, mahsulot yangilanadi — faqat to'ldirilgan kataklar o'zgaradi; bo'sh katak eski qiymatni o'zgartirmaydi.
- SKU yo'q yoki yangi bo'lsa, yangi mahsulot yaratiladi.
- Rasm berilgan qatorda mahsulotning rasmlari yangilariga almashadi; rasm berilmasa, eskilari qoladi.
- Variantli mahsulotning qoldig'i variantlarda saqlanadi — import uni o'zgartirmaydi.
- Qoldiq o'zgarishi inventar jurnaliga «Import #N» deb yoziladi.
Import tarixi
«Import» sahifasida har bir import ko'rinadi: nechta yaratildi, yangilandi va o'tkazib yuborildi. Xato bo'lsa, import nomini bosing — har bir qator raqami va sababi, ishlamagan rasm havolalari ham shu yerda.